Рухани жаңғыру: «Жастарға жарқын жол»

Елбасымыз Н.Ә. Назарбаев халыққа жолдауында биылғы 2019 жылды еліміздің тірегі – «Жастар жылы» деп жариялаған болатын. Осы жарияланған жастар жылына байланысты «Болашаққа бағдар: рухани жаңғыру» аясында, жастарды қолдау мақсатында 28.01.2019ж. Өскемен қаласы әкімдігінің «отдела образования по городу Усть-Каменогорску» КММ қазақ елінің атақты кәсіпқой боксшысы, WBA FedeCaribe тұжырымының чемпионы, Әлем чемпионатының және Азия ойындарының қола жүлдегері, "Астана Арландары" кәсіби клубының мүшесі – 

Қанат Исламұлының мектеп оқушыларымен «Жастарға жарқын жол» атты кездесуі ойдағыдай өтті. 

         Атақты кәсіпқой боксшыны мектептің ұлт аспаптар оркестры, «Мұрагер» бағдарламасының жас жеткіншектері ұлтымыздың «Салкүрен» және «Нәрағаш» күйлерімен қарсы алды. Мектеп акт залында 

Қанат Исламұлына арнап үздік оқушылардың орындауында бірқатар әндер шырқалды. 

         Бұл кездесуге жалпы 262 алдыңғы қатарлы оқушылар, соның ішінде 45 оқушы каратэ шин–кекушин спорт түрінен Әлем және Азия чемпиондары, 217 облыстық, республикалық олимпиада, ғылыми жоба жүлдегер оқушылары мен 20 дарынды жас ұстаздар қатысты. Кездесу барысында оқушылар кәсіпқой боксшыға: «Қазіргі жетістікке қалай жеттіңіз?», «Келешекте қандай қарсыластармен кездесу жоспарыңызда бар?» және т.б. өздерінің толғандырып жүрген сұрақтарын қойып, болашақта 

Қанат Исламұлы сияқты атақты спортшы болғылары келетінін білдіріп, сұрақтарына мардымды жауаптарын алды. 

         Қанат Исламұлы жас ұрпаққа үлгі болып, оқушыларды спортқа шақырды. Спортпен үнемі шұғылданып, жақсы білім алғанда ғана 

«ел азаматы, әлем азаматы» бола алатындарын түсіндірді. 

          Кездесу өте мағыналы, тәрбиелік  мәні зор болды. Соңынан жанкүйер оқушылар атақты спортшымен суретке түсіп, қолтаңбасын алды.