Отбасымен мектеп ынтымақтастығы ертеңгі ұрпақтың шарықтауы!
Отбасымен мектеп ынтымақтастығы ертеңгі ұрпақтың шарықтауы!
«Ел болам десең, бесігіңді түзе» халық даналығы.
педагог-психолог: Гарифуллина Г.М.
Еліміздің үздіксіз жаңа бағытта өсуін қамтамасыз етіп, мемлекеттік саясатты қолдап, Н.Ә.Назарбаевтың «Рухани жаңғыру» жолдауында айтылғандай отандастарымыздың рухын, адами құндылықтарды көтеруге үлес қосу ортақ парыз, абыройлы міндет екенін әрқайсымыз сезінуіміз керек.
Елбасы қашанда өмірдің баға жетпес құндылығы –отбасындағы бала тәрбиесіне, әр бала, бала болашағына көп көңіл бөлу қажеттігін баса айтты. Отбасы, әке мен бала, бала мен ана мәселесіне тоқтала отырып –«Бала тәрбиелеу - болашаққа үлкен инвестиция» деп аталуында үлкен мән жатыр. Бұның барлығы «Мәңгілік ел» ұлттық идеяны қолдап, ата-бабадан қалған адами құндылықтарды, мәдениетті сақтап, дамытуға бағытталған әрекет екенін түсінуіміз керек. Олай болса, «Отан-отбасынан басталады»-дегендей, отбасында түсінушілікпен жылы қарым-қатынаста берілген сапалы бала тәрбиесі -ұлт мақтанышы болатыны сөзсіз.
Осы үндері тақырып мазмұнын терең ашатын «Баланың ақпараттық қауіпсіздігін қамтамасыз ету», «Балада интернет-тәуелділік қалыптасуын алдын-алу», «мектеп ортасына деструктивті діни ағымдар енгізудің алдын-алу», «Отбассылық құндылықтарды нығайту», «Балаға мектепте оқуға бейімделуге тиімді көмек шаралары туралы», сол сияқты әр сынып ерекшеліктеріне сай «Кәмелетке толмағандарға қатысты құқық бұзушылықты алдын-алу», «Жасөспірімдік жастың психо-физиологиялық ерекшеліктері және бала мінез-құлқындағы олардың көріністері» тақырыптары мағынасы ашылып, видео роликтер мен тәсілдердің, үлестірген жаднама-кеңестер әр ата-ана санасына ой салып, оңды жұмстар жүргізілгеніне шексіз алғыстарын айтты. «Түлектердің ЕНТ-ге дайындығына байланысты ата-аналарын психологиялық қолдау» тақырыбында өте тартымды өтіп, әр ата-анамен оқушылар, мұғалімдер арасындағы қарым-қатынас және өз-ара қолдау жұмыстары түсіністікке жол тауып, әр жанұяның ЕНТ-ға байланысты психологиялық аурасы оңды болды. Мектеп директоры Акитбаев Е.Т. мен мектеп психологы Гарифуллина Г.М.-нің 11 сынып ата-аналарымен жүргізілген психологиялық қолдау жұмыстарынан кейін алғыстарын білдіріп, алдағы уақытта тағы да жалғасын тапса деген үміттерін айтты.
Еркіндікте, рухани-адамгершілікке толы отбасында тәрбиеленген бала – жан-жақты дамып, ішкі қор ресурсын аша білген, интеллектуалды да, сапалы білімді ұрпақ болатыны белгілі.
Республикалық конференциядан кейін, бүгінгі күнге дейін ата-аналар өздерінің өте риза болған ілтипаттарын білдіріп, ризашылықтарымен ой бөлісіп, алғыстарын білдіріп жатыр. Конференциядан соң 9 сынып ата-анасы Жақсыгельдина Г. негізгі міндет - отбасы мен мектептің өз-ара сыйластық пен сенімге негізделген ынтымақтастығының берік іргетасын қалай отырып, отбасында түсінушілікпен жылы толерантты қарым-қатынас болуы жайлы көмектер берілгенін айтты. Мысалы:3«д» сынып ата-анасы Аңсардың анасы «Баланың өзін-өзі бағалауын арттыруға ықпал ету үшін, оны жиі мақтау, әрі не үшін екенін білетіндей нақтылау керек екен, сол сияқты кейде баланың қиындықтары – біздің де қиындық екеніне мән бермейміз деп жатты. Енді 4 «б»сынып ата-анасы Манайбаева Д.М. «Ия, шындығында біз айна екенбіз, оны байқамайды екенбіз, баламның ойын әрекетіндегі сөзі, әрбір әрекеті мені қайталайды екен деп, бүгіннен бастап өз –өздерінен есеп алу керектігін айтып жатты. 8 сынып ата –анасы Тохмолдина Қ.: Республикалық конференция ата-аналарға көп жағымды ықпал етті, тіптен конференциядан келген жолдасым бұрын бала тәрбиесіне мән бермеуші еді, міне 2 апта болды сіздер 180 градусқа бұрдыңыздар деген сөздер де айтылды. Көптеген ата-аналар өз ризашылықтары мен алғыстарын, пікірлерін қағаз бетіне де жазып әкеп беріп жатыр.
Бұндай отбасын тәрбиелеу, психологиялық жұмыстар мектепте жиналыс, тренингтер, пікір-талас, семинар түрінде жүргізіліп жүрсе де, жоғарғы өкілетті тұлғалардың отбасы тәрбиесі жұмысына бірлесе араласып, ой білдірулері, тілектермен, жақсы жылы сөздер айтылуы, әр ата-ананың жүрегінен орын тауып, баланың жеке басының қалыптасуы отбасынан басталатынын түйгендерін білдірді.