Абайдың музыкалық мұрасы.

Дөңгелек стол тақырыбы: Абайдың музыкалық мұрасы.

Мақсаты: Абай Құнанбайұлының музыкалық мұрасын насихаттау.

Ұлы ақын, ағартушы Абай музыка саласында да айта қалғандай мұрақалдырды. Жазба әдебиетіміздің негізін салған.  Абай өзінің асыл өлеңдерін, қара сөздерін қағазға түсіріп, кейінгі ұрпаққа қалдырса, музыка жөнінде оның мұндай мүмкіншілігі болмады. Өйткені Абай өмір сүрген кезеңде қазақта музыканың жазба мәдениеті жоқ еді, халықтық музыка ауыз дәстүрлік қалыпта еді. Сондықтан Абай әндері де қазақтың басқа халықтық ән-күйлері сияқты ауыздан-ауызға, заманнан-заманға ауыса отырып жетті. Музыка саласында жазба мәдениеттің болмауына қарамастан, Абай әндерінің бізге толық жеткен себебі олардың халықтың жүрегінде сақталуға сапасы сай келетін шығармалар болғандығында,  халық санасынан өшпес орын алғандығында. Абай әндерінің өзгешелігі— мелодиялық, ырғақтың  жақтарындағы жаңалықтарында, идеялық мазмұнының ашықтығында. Бұл өзгешелік алғашқы кезде тыңдағандардың бәріне бірдей түсінікті бола қоймады, болмақшы да емес еді.

Соны ескере отырып,бастауыш сынып мұғалімдері арасында Абай әндеріне талдау жүргізілді. Талдау барысында Абайдың көпшілік біле бермейтін әндеріне де тоқталдық. Атап айтсақ «Домбыраға қол соқпа»,« Сұрғылт тұман дым бүркіп»,«Қараңғы күнде тау қалғып»,«Қор болдың жаным» атты әндердің таныстық. Дөңгелек столға қатысушы ұстаздар әр әннің мағынасына терең үңіліп,болашақ ұрпаққа  тәрбиелік маңызы зор екенін атап өтті.