«АБАЙ –ДАРА, АБАЙ - ДАНА ҚАЗАҚТА»

Қазақтың бас ақыны Абай Құнанбайұлының 175 жылдық мерейтойына орай ұйымдастырылған «Абай – дара, Абай – дана қазақта»  атты  Абай оқулары

Абай лебі, Абай үні, Абай тынысы – заман тынысы, халық үні. Бүгін ол үн біздің де үнге қосылып, жаңғырып, жаңа өріс алып тұр, - деп ұлы ақынды әлемге паш еткен Мұхтар Әуезовтің дәуіріне де, ХХІ ғасырға да сол үн мен тыныс әлі дем беріп тұр. Абай қаламынан туған өлеңдер ғасыр мен дәуір өткен сайын өзектілігін жоғалтпай ғана қоймай, сол ғасыр мен дәуірдің мазмұны мен сырын жаңа ашып танытқандай болады. Ғұламамыздың қуаты сол – өз заманынан әлдеқайда озық ойлап, озып жырлауында.

Міне, осы сарқылмас мұраны бүгінгі “Абай оқулары” мәнерлеп оқу сайысына да арқау етіп,14.02.2020 жылы Шоқан Уәлиханов атындағы №3  мектеп – лицейі 5-8 сынып оқушылары арасында «Абай – дара, Абай – дана қазақта» атты мәнерлеп оқу сайысын қазақ тілі пәнінің мұғалімі  Ибраимова Айгүл Қабышқызы ұйымдастырып өткізді.  Байқау  келесі бағыттар бойынша жүргізілді: 

1-кезең «Өлең – сөздің патшасы, сөз – сарасы». Абайдың кез-келген бір өлеңін мәнерлеп жатқа айту.

2-кезең. «Жүйріктен жүйрік озар жарысқанда». Абайдың бір қара сөзін жатқа айту.

          3-кезең. «Жыр жазамын Абайдың үлгісімен» шығармашылық кезең. Абайға арнап өзі шығарған өлеңін оқу. 

Өткізілген шараның мақсаты –Абайдың тау сілеміндей мол мұрасын жаңғырта отырып,  өлмес ғибратының өміршеңдігін насихаттау.

Сайыскерлердің өнерлерін  әділқазылар алқасы:

•  Мектеп директорының оқу ісі жөніндегі орынбасары Ошақбаева Гүлнар Ошақбайқызы.
• қазақ тілі мен әдебиеті пәні әдістеме бірлестік жетекшісі  Ибатаева Индира Айтахметқызы.
• қазақ тілі мен әдебиеті пәні мұғалімі Шәріпова Алмагүл Бөкенқызы бағалады.

Байқауға мектептен 30 оқушы қатысып, бақ сынасты. Ішінен оза шапқан 15 оқушы жүлделі орындармен марапатталды.

Мәнерлеп оқу сайысының нәтижесі төмендегідей болды: