«Шеберлік шыңына бір қадам» мұғалімдерге арналған коучинг

Коучингтің ұйымдастырылу мақсаты: биылғы оқу жылында Қазақстан Республикасы Білім және ғылым министрінің 2020 жылғы 6 сәуірдегі № 130 бұйрығына (№ 20317 болып тіркелген) сәйкес оқу жоспарының құрамдас бөлігі болатын қысқа мерзімді жоспарды жасау ерекшеліктерін ұжым ұстаздары назарына жеткізу. Сабақтың  идеялық, ғылыми, тәрбиелік және эстетикалық жағынан қызықты өткізілуі бірден бір мұғалімнің  ҚМЖ-ны жоспарлауына байланысты болғандықтан оны жасау мұғалімдерден  бірқатар білім мен біліктілікті, шеберлікті қажет етеді. Сондықтан ҚМЖ-ны құруды шеберлік шыңына бастайтын мұғалімнің ең алғашқы қадамдарының бірі деп айтсам болады. Менің мақсатым осы бұйрықта көрсетілген ҚМЖ жасау үлгісіндегі ерекшеліктерге тоқтала отырып әр ұстазға сабақ мақсаттарына қол жеткізетіндей барлық талаптарға сай жан-жақты қарастырылып жасалған ҚМЖ үлгісін көрсете отырып жас мамандарға әдістемелік көмек беру болды.